• 19 қазан 2023
• 1034

«Өңірлердегі инновациялық белсенділікті ынталандыру» тақырыбында онлайн семинар өтті

Қорқыт ата атындағы Қызылорда университетінің ғалымдары «Өңірлердегі инновациялық белсенділікті ынталандыру» тақырыбында өткен онлайн семинарға қатысты.

Жиын ҚР Цифрлық даму, инновациялар және аэроғарыш өнеркәсібі министрлігінің «Өнімді инновацияларды ынталандыру» жобасының инновациялық обсерваториясы, «QazInnovations» ИДҰА»АҚ-ы және «Qazpatent» ҰЗМИ бірлесіп ұйымдастыруымен өтті.

Семинардың негізгі мақсаты ҚР технологиялар мен инновацияларды дамыту бағытында елімізде атқарылған жұмыстар туралы, өңірлік инновациялық экожүйеге қатысушыларды өңірлерде инновациялық саясатты іске асырудың практикалық аспектілерімен хабардар етуге бағытталған. 

Кездесу барысында «QazInnovations» ИДҰА» АҚ гранттық қаржыландыру құралдары, сондай-ақ зияткерлік меншік құқығын алудың маңызды аспектілері қарастырылды.

Семинарға технологиялар мен инновацияларды дамытуға жауапты әкімдіктердің өкілдері, жоғары оқу орындары, ғылыми-зерттеу институттары, технологияларды коммерцияландыру және трансфер кеңселерінің, ғылыми-техникалық бөлім басшылары, технопарктердің, инкубаторлар мен акселераторлардың өкілдері, кәсіпкерлер және инновациялар мен технологиялар саласындағы мүдделі субъектілері қатысты.

Айта кету керек, аталған жиын университет ғалымдарының әлеуетін арттыруда маңызы зор.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru