• 29 қазан 2024
• 485

Мәскеу авиациялық институты: әріптестік жаңа деңгейге көтерілді

Қорқыт ата атындағы Қызылорда университетінің Басқарма Төрағасы-ректор Бейбіткүл Каримова Мәскеу авиациялық институты өкілдерімен кездесті.

Кездесуге  Мәскеу авиациялық институтының оқу ісі жөніндегі проректоры Дмитрий Козорез, Жүйелік модельдеу және компьютерлік дизайн кафедрасының меңгерушісі Леонид Хорошко, Халықаралық бөлімнің бастығы Алексей Зареченский қатысты.

Басқосуда бірлескен білім беру бағдарламаларын жүзеге асыруға, мамандар даярлауда тәжірибе алмасуға, қос дипломдық білім беру бағдарламаларын жүзеге асыруға ерекше назар аударылды.

Университет ректоры Бейбіткүл Сәрсемханқызы екіжақты ынтымақтастықты одан әрі нығайтуға ниетті екенін жеткізді. Сонымен қатар, оқу орнының соңғы жетістіктері мен жаңалықтарына тоқталды.

Мәскеу авиациялық институтының делегациясы жұмыс сапары барысында университеттің археологиялық музейімен, заманауи «Open space» кітапханасымен, Жасанды интеллект институтының жұмысымен танысты.

Сонымен қатар, өңірге қажетті мамандар даярлау бағытында облыс әкімінің орынбасары Ардақ Зебешовпен кездесіп, алдағы жұмыстар талқыланды.

Айта кетейік, Мәскеу авиациялық институты ТМД елдері арасында үздік оқу орындарының қатарында. Қазіргі кезде 20 мыңнан астам студент институттың 10 факультеті, факультет құқығындағы 3 институты мен 4 бөлімшесінде білім алады.