• 09 қазан 2023
• 1162

«Мамандығым-болашағым»: Университет қызметкерлеріне сертификат табысталды

Қорқыт ата атындағы Қызылорда университетінде «Мамандығым-болашағым» жобасы аясында өңірлік оқыту семинары өтті.

Жоба шеңберінде университет қызметкерлері 5 күн бойы интенсивті режимде форсайттық зерттеу әдістемесі бойынша курс оқыды.

Сертификат табыстау барысында университеттің Әлеуметтік және тәрбие жұмыстары жөніндегі проректоры Жандос Базартай кадр қажеттілігінің өңірлік картасын жасау мақсатында алдағы уақытта форсайттық зерттеу жүргізілетініне тоқталды.

Университет қызметкерлеріне семинар соңында «Жинақтаушы аналитик», «Модератор» сертификаты табысталды.

Бүгінде «Мамандығым – болашағым» жобасы еліміздің 10 өңірінде жүзеге асырылуда. Павлодар және Маңғыстау облыстары өңірлік кадрларға қажеттілік картасын әзірлеуді аяқтап, осы өңірлердің басым секторларының қатарынан келешегі бар кәсіптерді анықтады. Сонымен қатар, оқушылардың кәсіби диагностикасы жүргізілді, оның нәтижелері бойынша оқушылар өздерінің бейіні мен кәсіби қызметте жүзеге асыру мүмкіндіктерін анықтады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru