• 15 қыркүйек 2023
• 1196

Студенттер университет ұйымдарымен танысты

Қорқыт ата атындағы Қызылорда университетінде «JaStar» атты студенттерге арналған кеш өтті. Қызықты әрі көңілді шарада жастар ұйымдары туралы кеңінен ақпарат алды.

Қазіргі таңда оқу орнында 24 жастар ұйымы бар. Білім алушылар оқумен қатар, студенттік өмірін белсенді әрі қызықты өткізу үшін қалаған ұйымына қосыла алады.

Жиында Әлеуметтік және тәрбие жұмысы бөлімінің басшысы Жанар Бимұратқызы 1-курс студенттерін университет ұйымдары атқаратын жұмыстарымен таныстырып, белсенді болуға шақырды.

- 86 жылдық тарихы бар Қорқыт ата атындағы Қызылорда университетінде сапалы білім алумен қатар, ғылыммен, спортпен айналысуға, шығармашылық қабілеттеріңді шыңдауға мол мүмкіндік бар. Университте білім ала жүріп, мықты тұлға ретінде қалыптасасыздар. Біз сіздерді әрқашан қолдауға дайынбыз, - деді Жанар Бимұратқызы.

Сонымен қатар, кеш барысында университеттің белсенді студенттері әсем ән шырқап, өнер көрсетті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru