Жазғы Универсиаданың ашылу салтанаты өтті

ksu@korkyt.kz +7242 26-27-14, Қабылдау комиссиясы +7242 23-53-92
  • 08 маусым 2023
  • 1122

Жазғы Универсиаданың ашылу салтанаты өтті

Ақтау қаласында Қазақстан Республикасы жоғары оқу орындарының студентері арасындағы XII жазғы Универсиадасының ресми ашылу салтанаты өтті. «Маңғыстау-Арена» спорт кешенінде мыңдаған адам жиналып, шоу бағдарламаны тамашалады.
Универсиадаға қатысушы спортшылардың салтанатты шеруі сахнаның сәнін арттырды. Кеш қонақтарына «Кемелдікке жеткізер күш – білім мен ғылым!» атты театрландырылған қойылым ұсынылды.
Маңғыстау облысының әкімі Нұрлан Ноғаев рәсімнің ресми бөлімін құттықтау сөзімен ашып, қатысушыларға сәттілік тіледі. ҚР Ғылым және жоғары білім вице-министрі Қуаныш Ерғалиев сөз сөйлеп, Мемлекет басшысы мен Үкімет тарапынан студент жастарды республикалық және халықаралық деңгейдегі спорттық іс-шараларға тарту жұмыстары қарқын ала түскенін айтты. Қазақстан Республикасының Мемлекеттік Әнұраны шырқалып, XII жазғы Универсиада ашық деп жарияланды.
352191418_3541402162850050_4460634353456119107_n.jpg
 
Ақтау универсиадасының жеңімпаздары 28 шілде – 8 тамыз аралығында Қытайда өтетін XXXI Дүниежүзілік жазғы Универсиадаға және 24-29 қыркүйекте Түркістанда өтетін II Түркі Универсиадасына қатысуға жолдама алады.
Дүниежүзілік Универсиада Туын Есенов университетінің спорттан әлем, чемпиондары, халықаралық дәрежедегі спорт шеберлері М.Каналиева, Ж.Тұрақбай, Н.Ғалымбекұлы, О.Алтынбек алып шықты. Универсиада жалауын көтеру салтанаты ерекше әсерлі өтті. Мерекелік кеш концерттік бағдарламамен жалғасты.
352096652_1389226871916375_5400149157560775053_n.jpg
ҚР Ғылым және жоғары білім министрлігінің қолдауымен, Yessenov University ұйымдастыруымен алғаш рет Ақтау қаласында өтіп жатқан XII жазғы Универсиада ойындары 24 мамыр күні басталған болатын. Бір айға – 24 маусымға дейін жоспарланған студенттер сайысы 17 спорт түрінен, 20 жарыс бойынша жүріп жатыр. Оған еліміздің 55 университетінен 3000-нан астам студент қатысуда.
Универсиаданың жабылу салтанаты 22 маусым күніне жоспарланған.

Қолжетімді қызметтер

PLATONUS

platonus.kz

E-univer

https://e-univer.korkyt.kz/

Call center

+7-7242-558877

МООK

МООK (Жаппай ашық онлайн сабақ)

МегаПРО электронды кітапхана

library.korkyt.kz

Erasmus

erasmus

Сабақ кестесі

толығырақ...

Ғылыми кітапхана

толығырақ...