• 13 қыркүйек 2024
• 538

Университет жас ғалымдардың ғылыми-зерттеу жұмысын жүргізуге арналған конкурс жариялайды

Қорқыт Ата атындағы Қызылорда университеті жас ғалымдардың ғылыми-зерттеу жұмысын жүргізуге арналған Басқарма төрағасы – Ректор грантына конкурс жариялайды.

Гранттың жалпы сомасы - 20 млн. теңге.

Конкурстың мақсаты - университетте ғылымды дамытуға жағдай жасау, ғылыми және ғылыми-техникалық қызмет нәтижелерін коммерцияландыру, сондай-ақ жас ғалымдарды  ынталандыру болып табылады.

Конкурсқа 40  жасқа (толғандарды қоса алғанда) дейінгі университеттің штаттық қызметкерлері мен 1, 2 курс докторанттары қатыса алады.

Конкурсқа қатысу шарттары мен тәртібі Қорқыт Ата атындағы Қызылорда университетінің  Басқарма төрағасы – Ректорының  гранты аясында жас ғалымдардың ғылыми зерттеулері конкурсын өткізу туралы Ережеде (Ережеге сілтеме) белгіленген.

Өтінімдерді қабылдаудың соңғы мерзімі - 2024 жылғы 16 қазан (қоса алғанда).

Мерзімнен кейін жіберілген немесе  талаптарға сәйкес рәсімделмеген құжаттар қарастырылмайды.

Конкурстың уақыты 21 қазан сағат 15:00 де.

Конкурстық құжаттама және өтінімді рәсімдеу жөнінде түсіндіру жұмысын жүзеге асыруға қатысты сұрақтар бойынша төмендегі телефондарға қоңырау шалуға болады:  тел. (8 (7242) 27-11-02 коммерцияландыру бөлімі, (8 778 6096598 Еділбаев Нұржан), (8 747 673 06 46 Тілеулі Әл Фараби)

Жұмыс уақыты: дүйсенбі - жұма, сағат 9:00-ден 18:30-ға дейін,

Түскі үзіліс: сағат 13:00-ден 14:30-ға дейін

Ғылым департаменті