• 01 қыркүйек 2024
• 442

Ұлттық ғылым академиясы ғалымдарды марапаттады

Қорқыт ата атындағы Қызылорда университетінің 4 ғалымы «Қаныш Сәтбаевтың 125 жылдық мерейтойы» медалімен марапатталды. Атап айтсақ, профессор, техника ғылымдарының кандидаты Панабек Таңжарықов, профессор, ауылшаруашылығы ғылымдарының докторы Лаура Тохетова, профессор Нұрбол Аппазов және қауымдастырылған профессор (доцент) Нұрғали Ақылбеков марапат төрінен көрінді.

«Жиында Қазақстан Республикасы Президенті жанындағы Ұлттық ғылым академиясының жаңартылған құрамын таныстырды. Сол лекте болғаныма қуаныштымын. Басқосу жас ғалымдар үшін үлкен тәжірибе алаңы болды. Еліміздің әр түкпірінен келген ғалымдар отандық ғылымның дамуын талқылап, өз ұсыныстарын айтты»,-деді Нұрғали Ақылбеков.