• 19 ақпан 2024
• 1378

Құрметті профессор 70 жасқа толды

Бұрнағы күні Қорқыт ата атындағы Қызылорда университетінің мәжіліс залында Құрметті профессор, экономика ғылымының кандидаты Асылбек Наурызбаевтың 70 жылдық мерейтойы өтті. Аталған іс-шара қарсаңында Экономика және құқық институты мен «қаржы, есеп және аудит» білім беру бағдарламасының ұжымы «Өңірлік экономиканы дамытудың өзекті мәселелері» атты ғылыми-тәжірибелік конференция ұймдастырылды. Конференция барысында Асылбек Жұмабайұлын мерейтойымен құттықтап, өңір экономикасын дамытудағы шешімін таппаған мәселелер тұрғысында университеттің белді ғалымдары сөз қозғады. Басқосуға аймақтың белді оқу орындарынан профессор ғалымдар мен оқытушылар, жас ғалымдар, магистранттар мен белсенді студенттер ат қатысты.

Конференцияға ҚР Президенті жанындағы мемлекеттік басқару академиясының Қызылорда облысы бойынша филиалының директоры, философия докторы (PhD) Мұрат Айтимов, Экономика және құқық институтының директоры Нұрлан Құлмырзаев, директорлар кеңесінің хатшысы Гүлшат Берікбайқызы, институттың ардагер ғалымдары Ибадулла Таутенов, Өтеубай Қожақұлы, Бақыт Қалиев және «Білім беру бағдарламаларын үйлестіру және оқу үдерісін жоспарлау» басқармасының басшысы Ақмарал Жетібайқызы сөз сөйлеп, ұстаздың жүріп өткен жолынан естеліктер айтты. Соынмен қатар, жас ғалымдар өңір экономикасындағы проблемаларға тоқталды.

Диляра Қалдыбек, журналистика мамандығының студенті