• 09 ақпан 2024
• 1430

Бүгін Мұқағали Мақатаевтың туған күні

Қазақ поэзиясына ерекше екпін әкелген ақиық ақын Мұқағали Сүлейменұлы Мақатаевтың туғанына 93 жыл толды. Айтулы күн қарсаңында Қорқыт ата атындағы Қызылорда университетінің студенттері шығармашылық кеш ұйымдастырды. Ақынның өмірінен деректер келдіріп, поэзия оқыды, өлеңіне жазылған әндерді шырқады. Студенттер сарайында өткен іс-шараға жастар театрының директоры, айтыскер-ақын Н.Мансұров, «Халық» газетінің бас редакторы Н.Көбегенұлы, «Amanat» партиясы Қызылорда қалалық филиалының қызметкерлері мен оқытушы-ұстаздар қатысты.

Жиырмасыншы ғасырдағы озық ақындарының бірі болған Мұқағали туған халқына өшпес мұра, сарқылмас қазына қалдырды. Өзіне дейінгі өлең өру мен жыр сомдаудағы ұлттық мектеп пен ұлы дәстүрді жалғап қана қоймай, оны жан-жақты дамытқан, тереңдеткен қазақтың өлең-сөзін жаңа заңғарларға көтерген, жаңа кеңістіктерге алып шыққан санаулы саңлақтардың бірі. Ақын поэзиясының қайнар көзі, шабыт тұғыры – туған елі, өске н жері, Отан тағдыры мен замандастарының арман-аңсары. Осының бәрін жас дарынға тән қайталанбас шеберлікпен өлмес туындылар әкелді. Университет студенттері ұйымдастырған кештің соңында қонақтар өз қошетін көрсетті. Қара өлеңді қадір тұтатын халқы барда, сыршыл поэзиясы мәңгі жасай беретіні анық.