• 27 желтоқсан 2023
• 1463

«Үздік оқырман - 2023 »

Университеттің ғылыми кітапханасы жыл соңында үздік оқырманды анықтау үшін мониторинг жасап, талдау жүргізеді. Биыл да оқытушы-профессорлар мен  білім алушылар арасында ең үздік оқырман анықталды. Үздік оқырмандарды оқу орнының басшысы Бейбіткүл Кәрімова марапаттады.

Кітапханадан әр сала бойынша жүзден аса кітап алып, кітапхана қызметін белсенді пайдаланғаны үшін «Шетел тілдері және аударма» БББ оқытушысы, гуманитарлық ғылымдар магистрі Гүлнұр Үсенова және  «Қазақ тілі мен әдебиеті және журналистика» білім беру бағдарламасы, Кял-22-3 оқу тобының студенті Гүлфара Құрманғалиева «Үздік оқырман - 2023» номинациясына ие болды.

Гүлнұр Үсенова жыл бойына жалпы саны 104 кітап оқыған, оның ішінде көркем әдеби шығармалар, тіл тарихы, педагогикалық шеберлік және өз білім саласы бойынша ағылшын тіліндегі әдебиеттер бар.

Ал, Гүлфара Құрманғалиева жыл бойына жалпы 90 кітап оқыған, оның ішінде көркем әдеби шығармалар, педагогика, философия, тіл білімі және ағылшын тіліндегі әдебиеттер бар.