• 21 сәуір 2023
• 1517

Студенттер мен магистранттарға арналған академиялық ұтқырлық бағдарламасы бойынша конкурс туралы хабарландыру

Қорқыт Ата атындағы Қызылорда университетінің халықаралық байланыстар бөлімі серіктес Лодзь университетінде (Польша) ағылшын тілінде оқуға 2023 жылғы күзгі семестріне арналған академиялық ұтқырлық бағдарламасы бойынша конкурсқа құжаттар қабылдайды. Бағдарламаға бакалавриат және магистратура білім алушылары (бітіруші курстардан басқа) қатыса алады.

Білім беру бағдарламаларының басым бағыттары бойынша Іріктеу комиссиясының конкурсынан өткен жағдайда білім алушыларға бару-қайту жолақысы, медициналық сақтандыру полисі, визалық шығындары төленеді. Лодзь университетінде 01.10.2023-15.02.2024 жж. аралығында оқу тегін, ал жатақханада тұру ақысы білім алушылардың есебінен болады. Лодзь университетінің бағдарламасын семестр бойынша толық орындаған білім алушыларға транскрипт пен сертификат беріледі.

Өтініш беруші келесі құжаттарды тапсыруы қажет:

1) Білім алушының толық деректерімен университет басшысының атына конкурсқа қатысу туралы өтініш (институт, мамандық, топ, төлқұжат деректері, тұрғылықты мекенжайы, э-пошта);

2) Үлгерімі туралы куәлік: университеттің мөрімен куәландырылған ағымдағы үлгерімі туралы транскрипт (GPA 3.0 баллдан төмен болмау керек);

3) Шетел тілін (ағылшын тілі) меңгеру деңгейін растайтын құжат: бар болған жағдайда шетел тілін білуді бағалаудың халықаралық жүйелері арқылы алынған сертификат (IELTS/TOEFL);

4) IELTS/TOEFL сертификаттары болмаған өтініш берушілер ағылшын тілі бойынша институционалды тестті 19 сәуір күні сағат 17:00-де бас оқу ғимаратының мәжіліс залында офлайн форматында тапсырады.

Құжаттар файл-папкамен халықаралық байланыстар бөлімінде 2023 жылдың 19 сәуірге дейін қабылданады.

Мекен-жайымыз: Қызылорда қ-сы, Әйтеке Би көшесі 29-А, бас оқу ғимараты, 2-қабат, 224-ші кабинет, телефон: 26-29-57

Қорқыт Ата атындағы ҚУ-дың  халықаралық байланыстар бөлімі.