• 04 сәуір 2025
• 1072

Ғалым-ұстаз Бақытжан Жанмолдаевтың 70 жылдық мерейтойы аталып өтті

Қорқыт ата атындағы Қызылорда университетінде техника ғылымдарының докторы, математика және қолданбалы механика секциясының доценті, ғалым-ұстаз Бақытжан Жанмолдаевтың 70 жылдық мерейтойына арналған салтанатты мәжіліс өтті.

Мерекелік жиында ғалымның саналы ғұмыры мен ғылымдағы жетістіктері кеңінен баяндалды. Университеттің Басқарма Төрағасы–ректоры Бейбіткүл Каримова мерейтой иесін құттықтап, оның білім мен ғылым саласындағы ерен еңбегіне жоғары баға беріп, құрмет көрсетті.

Бақытжан Жамаладинұлы – Қазақстан Республикасы білім беру ісінің құрметті қызметкері, еліміздің ғылымын дамытуға қосқан үлесі үшін берілген медальдің, Қорқыт ата атындағы алтын медаль мен университеттің «Үздік оқытушысы» медалінің иегері. Ол – ұзақ жылдар бойы шәкірт тәрбиелеп, отандық ғылымға сүбелі үлес қосқан тәжірибелі маман.

Салтанатты шара барысында ғалым Қызылорда облысының ҚҰРМЕТ ГРАМОТАСЫМЕН марапатталды. Сонымен қатар, Қорқыт ата атындағы Қызылорда университетінің «ҚҰРМЕТТІ ПРОФЕССОРЫ» атағы берілді.

Жиынға университет ұжымы, мерейтой иесінің әріптестері мен шәкірттері, сондай-ақ басқа да құрметті қонақтар қатысты. Қатысушылар Бақытжан Жамаладинұлының ғылым мен білім саласындағы ерен еңбегін атап өтіп, жылы лебіздерін білдірді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru