• 17 наурыз 2023
• 1484

«Алтын Түлек» математикалық олимпиада жеңімпаздарына 3 білім гранты табысталды

Қорқыт ата атындағы Қызылорда университеті және «Зерделі» ақыл-ой дамыту мектебінің ұйымдастырылуымен өткен олимпиада қорытындыланды.

Білім бәйгесіне 10-11 сынып оқушылары қатысып, математика пәні бойынша ерекше қабілетті балалар анықталды. Қатысушылар олимпиадаға қатысу арқылы математикалық ұғымдарды талдауға, сыни тұрғыда ойлауға және күрделі есептерді шешуге дағдыланды.
Білім сайысында білім биігінен көрінген Бақберген Кажденбек, Абылайхан Қарынбай және Дамир Бақытжан  Қорқыт ата атындағы Қызылорда университетінің білім грантын иеленді.

Грантты оқушыларға Қорқыт ата атындағы Қызылорда университетінің басқарма мүшесі-академиялық мәселелер жөніндегі проректор Дана Абдрашева табыстады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru