• 10 ақпан 2023
• 1390

«Scopus және Science Direct базаларымен жұмыс: жариялау және индекстеу процесі»

Қорқыт ата атындағы Қызылорда университетінде 6,7,8 ақпан  күндері Elsevier компаниясының «Scopus және Science Direct базаларымен жұмыс: жариялау және индекстеу процесі» атты үш күндік вебинары өтті. 

Вебинарға университеттің профессор-оқытушылар құрамы, докторанттар мен магистранттар қатысты. Ғалымдарға ғылыми мақалалар мен материалдарды жариялау мен оларды сапалы басылым дерекқорларында сәтті жариялаудың әдістері мен қажетті кеңестер берілді. Аталмыш вебинарды MD, MPH, PhD  кандидат – Орталық Азия және Әзірбайжан бойынша кеңесшісі Рабиға Хожамқұл жүргізді.

Вебинар бірнеше маңызды тақырыптар бойынша ұйымдастырылды. «Техникалық және жаратылыстану ғылымдары: Scopus және Science Direct көмегімен мақала жариялауға 3 қадам», «Әлеуметтік және гуманитарлық ғылымдар: Scopus және Science Direct көмегімен мақала жариялауға 3 қадам», «Scopus дерекқорында журналдың индекстелуі»  тақырыптары бойынша қатысушылар мол ақпарат алды. Шара онлайн форматта өткізіліп, қатысушылар өздерін толғандырған мәселелер бойынша сұрақтарын қойып, жаттықтырушы тарапынан жауаптар берілді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru