• 20 қаңтар 2023
• 1619

Оқушыларға тегін қаржылық сауаттылық курсы өтуде

Қорқыт ата атындағы Қызылорда университетінің кәсіпкерлік орталығының ұйымдастыруымен 5-8 сынып оқушыларына тегін қаржылық сауаттылық курсы жүргізілуде. «Enactus Korkyt» командасы бұл сабақтарды KMF&KMF-Демеу  Корпоративтік қорының «FINBOSS» қаржылық сауаттылық негіздері» аясында өтуде.

- Курс барысында оқушылар мектеп кезінен қаржы әлемімен жақын танысып, ақша жинау әдістерін үйренетін болады. Жеке бюджет пен қауіпсіздік қағидасын жіті меңгереді. Сабақта «Ақша және адамдардың қаржылық мінез-құлқы», «Отбасының кірісі мен шығысы», «Жеке бюджет және отбасының бюджеті», «Жинақтау және қауіпсіздік жастығы», «Қаржылық тұзақтар», «Қаржылық мақсаттар» тақырыптары қамтылған, – деді Жанарыс Түбекбаев.

Бүгінде «Enactus Korkyt» командасы 700-ге жуық оқушыға дәріс беруде. Алдағы уақытта тек қала көлемінде емес, аудандық мектептерді де қамту жоспарланбақ. Айта кетейік, қаржылық сауаттылыққа бағытталған курс ақпан айының ортасына дейін жалғасады.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru