• 25 сәуір 2025
• 109

Түлектерге арналған бос жұмыс орындар жәрмеңкесі өтті

Қорқыт ата атындағы Қызылорда университетінің ұйымдастыруымен “Mansap Navigator 2.0” атты түлектерге арналған бос жұмыс орындар жәрмеңкесі өтті. 
Кездесудің мақсаты – түлектерге тұрақты жұмыс табуға қолдау көрсету, оларға еңбек нарығындағы әлеуетті мүмкіндіктерді таныстыру.
Жиынды университеттің Ғылыми жұмыстар және халықаралық байланыстар жөніндегі проректоры Майнура Бурибаева ашып, қазіргі еңбек нарығындағы заманауи талаптар мен университет түлектерінің бәсекеге қабілеттілігі жөнінде сөз сөйледі. 

Жәрмеңке жұмысына ҚР Мемлекеттік қызмет істері агенттігінің Қызылорда облысы бойынша департамент басшысы Ерлеген Мендалиев, Мемлекеттік қызмет басқармасының басшысы Жасұлан Шынтасов, Еңбек мобильділігі орталығының бөлім басшысы Абылай Самыратов, Облыстық экономика және қаржы басқармасының «Ауылдық аумақтарды және агроөнеркәсіптік кешенін дамыту» бөлімінің басшысы Бақытжан Қожабекұлы, сондай-ақ әскери бөлім командирінің тәрбие және идеология жұмыстары жөніндегі орынбасары Нұртас Дәулетқали және университет түлектері қатысты. 
Биылғы оқу жылында университетте 2616 студент оқуын аяқтайды. Оның ішінде 2355 түлек бакалавриат, 248 түлек магистратура, ал 13-і докторантура бойынша білім алуда. 
Жәрмеңкеге 25-ке жуық жұмыс беруші ұйым қатысты. Олар 200-ге жуық бос жұмыс орнын ұсынып, жас мамандармен ашық диалог жүргізді. Түлектер өздерін қызықтырған сұрақтарын қойып, нақты әрі пайдалы ақпараттарға қол жеткізді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru