• 22 сәуір 2025
• 109

Жапониядан келген ғалымдар студенттерге дәріс оқыды

Қорқыт ата атындағы Қызылорда университетінің «Тарих және археология» білім беру бағдарламасының оқытушылары мен студенттері Жапонияның Жетілдірілген талдау ғылыми-зерттеу орталығы, Ұлттық қоршаған ортаны зерттеу орталығының  аға ғылыми қызметкері, PhD Масахико Кумагай және Токио қаласы, Мэйдзи университетінің Обсиадан және тастарды зерттеу орталығының ғылыми қызметкері, PhD доктор Эйко Эндомен кездесті.

Кездесудің мақсаты – Қорқыт ата атындағы Қызылорда университеті мен Жапониядағы ғылыми-зерттеу орталықтарының арасындағы ынтымақтастықты нығайту, тарихи-археологиялық зерттеулер бойынша бірлескен жобаларды талқылау, сонымен қатар Қазақстан мен Жапониядағы археологиялық мұралар бойынша тәжірибе алмасу болды. 
Іс-шарада ғалымдар археология саласындағы соңғы ғылыми жетістіктерді баяндап, ежелгі сәулет нысандарының зерттеу әдістері мен жаңалықтарын таныстырды. Сонымен қатар, осы сала бойынша болашақ кадр дайындау мәселесі де жан-жақты талқыланды.

Дәріс барысында геохимиялық, минералогиялық әдістермен ежелгі қыш ыдыстарды зерттеу, экологиялық мониторинг пен археологиялық нысандардың сақталуын қамтамасыз етудің заманауи тәсілдері туралы баяндамалар жасады.
Жиын соңында студенттер сұрақтарын қойып, белсенді пікір алмасты.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru