• 21 сәуір 2025
• 149

Студенттер Республикалық олимпиададан жүлделі II орынды иеленді

Алматы қаласының Нархоз университетінде «Әлеуметтік жұмыс» білім беру бағдарламасы бойынша XVII Республикалық студенттік пәндік олимпиада өтті.
Сайысқа Қорқыт ата атныдағы Қызылорда университетінің «Әлеуметтік жұмыс» білім беру бағдарламасының студенттері Көркем Мұратбаева, Меруерт Құрманбаева, Інжу Айтбай қатысты.
Республикалық олимпиадаға еліміздің  9 жоғары оқу орнының студенттері қатысты.

Нәтижесінде Қорқыт ата атындағы Қызылорда университетінің «Шамшырақ» командасы II  орынды иеленді. Команданың жетекшісі – «Экономика және басқару» білім беру бағдарламасының аға оқытушысы, экономика ғылымдарының кандидаты Меруерт Өмірзақова.

Олимпиаданың мақсаты – жоғары оқу орындары арасында білім беру сапасын арттыру, студенттердің ғылыми – теориялық білімін және практикалық қабілеттерін дамыту. 
Айта кетейік, сайысқа қатысқан университеттер арасынан І орын Қарағанды университетінің командасына, ІІІ орын Л.Н.Гумилев атындағы Еуразия ұлттық университетінің командасына берілді.
Жеңістеріңіз құтты болсын!

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru