• 17 сәуір 2025
• 210

Заң мен тәртіп: Студенттер арасында сот процесі өтті

«Заң мен тәртіп» жобасы аясында Қызылорда облыстық сотында Қорқыт ата атындағы Қызылорда университетінің «Құқықтану» білім беру бағдарламасының студенттерінің қатысуымен «Сот ісін жүргізудегі адвокат пен прокурордың сөйлеу шешендігі» тақырыбында  сот процесі ұйымдастырылды. 
Кездесуге Қызылорда облысының мамандандырылған ауданаралық сотының судьясы Думан Алиев, Қызылорда облыстық адвокаттар алқасының мүшесі Құрмет Камербаев, Қызылорда қаласы прокуратурасының мемлекеттік айыпты қолдау тобының прокуроры Бақытжан Рысбай, Х.Досмұхамедов атындағы Атырау университетінің Қылмыстық-құқықтық пәндер кафедрасының меңгерушісі Асель Мухамедина және оқытушылар мен студенттер қатысты. 

Жиында «Құқықтану» білім беру бағдарламасының студенттері қылмыстық сот процесі бойынша сот ісін жүргізді. Сот ісін жүргізу барысында студенттердің процесуалдық ережелермен басты қатысушы прокурор мен қорғаушы тараптың дәйектерді жеткізу шеберлігі мен сөйлеу шешендіктері, сұрақтар мен жауаптарды нақтылау тактикаларына аса мән берілді
Іс-шараның мақсаты – Қасым-Жомарт Кемелұлы Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына жолдауында айтылған «Заң мен тәртіп» қағидатын жастар арасында насихаттау, құқықтық мәдениетті арттыру және болашақ заңгерлердің кәсіби дағдыларын қалыптастыру.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru