• 09 сәуір 2025
• 336

Облыстық экономикалық тергеп-тексеру департаментінің өкілдерімен кездесу өтті

Қорқыт ата атындағы Қызылорда университетінде Қазақстан Республикасы Қаржылық мониторинг агентігінің бастамасымен «Қаржылық қауіпсіздік» тақырыбында жиын өтті.
Шараға Облыстық экономикалық тергеп-тексеру департаментінің басшысы Аслан Кеңесұлы, Қорқыт ата атындағы Қызылорда университетінің Басқарма төрағасы - Ректор Бейбіткүл Кәрімова, департамент басшысының орынбасары Арман Джанадилов, аса маңызды істер жөніндегі тергеушісі Майра Оралбаева, «Қарызсыз қоғам» жобасының қаржы сарапшысы Балдырған Мамен және университеттің профессор-оқытушылары, жауапты құрылым басшылары және білім алушы жастар қатысты. 

Жиында Басқарма төрағасы – Ректор Бейбіткүл Сәрсемханқызы қаржылық қауіпсіздік бойынша атқарылып жатқан жұмыстар мен іс-шараларға тоқталып өтті. Сонымен қатар, департамент басшысы Аслан Кеңесұлы жастарға қауіпсіздіктің алдын алу, мұндай әрекеттердің заң алдындағы жауапкершілігі жайында түсіндірме жұмыстарын жүргізді.
Кездесудің негізгі мақсаты – жастар арасында заңсыз қаржылық әрекеттерге, соның ішінде «дроппер» ретінде қолданылуға жол бермеу, құқықтық сауаттылықты арттыру және студенттерді белсенді азаматтық ұстанымға шақыру. 

Қаржылық мониторинг агенттігінің ресми деректеріне сүйенсек, былтыр елімізде 29 қаржылық пирамида анықталып, 327 алаяқтық чат бұғатталған. Бұл чаттарға қатысушылар саны 1,5 миллионнан асса, олардың көпшілігі жастар екені мәлім болды.
Шара барысында студенттер толыққанды мағлұматтар алып, сұрақтарға жауап беріп, пікірлерімен бөлісті. Белсенділік танытқан студенттерге сыйлықтар табысталды.
Сондай-ақ, университетіміздің Экономика және құқық инситуты мен Гуманитарлық-педогогигалық және Инжинерлі-технологиялық институттарында Облыстық экономикалық тергеп-тексеру департаментінің өкілдері дәріс сабақтарын өткізді.

Айта кетсек, студенттер арасында Қаржылық мониторинг агенттігінің бастамасымен ұлттық олимпиада өтеді.
Олимпиаданың мақсаты – жастардың қаржылық және құқықтық сауаттылығын арттыру, сыбайлас жемқорлық пен көлеңкелі экономикаға қарсы күресте белсенділік таныту.