• 03 сәуір 2025
• 384

Екіжақты меморандумға қол қойылды

«Әлемді ғылым құтқарады» ғылым айы аясында Қорқыт ата атындағы Қызылорда университеті мен РУ-6 компаниясы  арасында екі жақты меморандумға қол қойылды.

Жиынға Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова мен «РУ-6» жауапкершілігі шектеулі серіктестігінің бас директоры Жандос Әбдімәуленов қатысып, келісімге қол қойды.

Негізгі мақсаты – ғылыми-зерттеу және тәжірибелік-конструкторлық жұмыстар (НИОКР) арқылы Қызылорда өңіріндегі экологиялық мәселелерді шешу, қоршаған ортаны қорғау, ғылым мен өндіріс арасындағы ынтымақтастықты дамыту, жаңа экологиялық технологияларды енгізу, студенттер мен жас ғалымдарды тәжірибелік зерттеулерге тарту. 

Кәсіпорын қызметкерлері мен университет ғалымдары «Қарамұрын кенішінде радионуклидтерден топырақты тазартудың фиторемедиациялық технологиясын әзірлеу» тақырыбы бойынша ғылыми-зерттеу және тәжірибелік-конструкторлық жұмыстарын (НИОКР) жүргізу жөнінде алдын-ала талқылау жүргізді.

Айта кетсек, "РУ-6" ЖШС өңірдегі алғашқы уран өндіруші кәсіпорын болып табылады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru