• 04 сәуір 2025
• 365

Баймырза Қожамберлиевтің 70 жас мерейтойына орай салтанатты Ғылыми Кеңес өтті

Қорқыт ата атындағы Қызылорда университетінде «Философия және әлеуметтік гуманитарлық пәндер» секциясының профессоры, философия ғылымдарының докторы Баймырза Қожамберлиевтің 70 жасқа толу мерейтойына орай салтанатты Ғылыми Кеңес өтті.

Жиында Басқарма Төрағасы-Ректор Бейбіткүл Кәрімова алғы сөз алып, ардагер ұстаздың оқу орнына сіңірген еңбегіне тоқталды.

Салтанатты іс-шараға Қызылорда облысы әкімінің орынбасары Шахмардан  Байманов, Қазақстан Республикасының Ұлттық Ғылым академиясы академигі, Қазақстанның еңбек сіңірген қайраткері, техника ғылымдарының докторы, профессор Қылышбай  Бисенов, Мемлекет және қоғам қайраткері, саяси ғылымдарының докторы, профессор Мұрат Бақтиярұлы, Қызылорда облысы ардагерлер кеңесінің төрағасы Серік Дүйсенбаев, Қызылорда облыстық Қазақстан халқы Ассамблеясының Ақсақалдар кеңесінің төрағасы, қоғам қайраткері Нұрмұрат Ерманов, философия ғылымдарының докторы, профессор, әл-Фараби атындағы Қазақ ұлттық университеті «Қазақ философиясы» Ғылым және білім орталығының директоры Гүлжихан Нұрышева, әл-Фараби атындағы Қазақ ұлттық университеті философия кафедрасының профессоры, философия ғылымдарының докторы Ғазиз Телебаев, әл-Фараби атындағы Қазақ ұлттық университеті философия кафедрасының доценті, философия ғылымдарының кандидаты Лесхан Асқар, «AMANAT» партиясы облыстық филиалының төрағасы Алмасбек Есмаханов және зиялы қауым өкілдері, ардагер ұстаздар, университеттің профессор-оқытушылары, ұйым басшылары, ғалымның достары мен жақындары, және білім алушылар қатысты.

Шарада Баймырза Қожамберлиев облыс әкімінің және Республикалық Кәсіподақ комитетінің Құрмет грамотасымен, Қорқыт ата атындағы Қызылорда университетінің «Үздік оқытушы» төсбелгісімен марапатталып, университеттің Құрметті профессоры атағы берілді.  Сонымен қатар, әл-Фараби атындағы Қазақ ұлттық университетінің «Әл-Фараби» алтын медалімен марапатталып, облыстық мекеме басшыларының құттықтау хаттары табысталды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru