• 04 сәуір 2025
• 208

Энергия және ресурстар үнемдеу технологиялары: тәжірибелер және келешегі

Қорқыт ата атындағы Қызылорда университетінде «Энергия және ресурстар үнемдеу технологиялары: тәжірибелер және келешегі» атты III халықаралық ғылыми-тәжірибелік конференция өтті.
Конференцияның модераторы, Ғылыми жұмыс және халықаралық байланыстар жөніндегі проректор Майнура Бурибаева ғылыми жиынның энергия үнемдеу, экология, табиғи ресурстарды тиімді пайдалану және инновациялық технологияларды дамыту мәселелеріне арналғанын айтты.

Конференция барысында Ресей, Әзірбайжан, Түркия, Өзбекстан, Венгрия және Қазақстан ғалымдары өздерінің ғылыми зерттеулерін таныстырды.  Шетелдік ғалымдар қатарында Бүкілресейлік фитопатология ғылыми-зерттеу институтының директор орынбасары, биология ғылымдарының кандидаты Дмитрий Дёмин, Ресей Жаратылыстану Академиясының академигі, ауыл шаруашылығы ғылымдарының докторы, доцент Мустафа Мустафаев, Зонгулдак Бюлент Эджевит университетінің докторы, ассоциирленген профессор Сонер Чакар, Ташкент ирригация және ауыл шаруашылығын механикаландыру инженерлері институтының профессоры, техника ғылымдарының докторы Абдурахим Бердишев, Паннония университетінің ғылыми қызметкері, радиохимия және радиоэкология институтының ғалымы Хегедус Миклош және қазақстандық ғалым Исламбек Құлтан болды.

Қатысушылар болашақта тұрақты даму мақсатында ғылым мен технологияны ұштастырып, табиғи ресурстарды ұтымды пайдаланудың жаңа әдістерін енгізу қажеттігін атап өтті. Сонымен қатар, ғалымдар энергия және ресурстарды үнемдеу, экологиялық қауіпсіз технологиялар, жаңартылатын энергия көздері, топырақ мелиорациясы, радиоактивті қалдықтарды басқару, су тазарту және ауыл шаруашылығында инновациялық технологияларды қолдану мәселелерін жан-жақты талқылады.
Конференция соңында университет ғалымдары шетелдік әріптестермен өзара ынтымақтастықты нығайтып, бірлескен ғылыми зерттеулер мен тәжірибе алмасу жөнінде келісім жасады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru