• 13 наурыз 2025
• 422

Директорлар кеңесінің отырысы өтті

Ағымдағы жылдың наурыз айында Е.Д. Тоқтыбаевтың төрағалығымен Директорлар кеңесінің кезекті отырысы өтті.

Жиын барысында университеттің 2023-2029 жылдарға арналған даму бағдарламасының 2024 жылға арналған негізгі стратегиялық бағыттарды іске асыру контекстінде орындалуы қаралды: білім беру қызметін инновациялық қамтамасыз ету және интернационалдандыру, ғылым мен халықаралық ынтымақтастықты дамыту, инфрақұрылымды цифрландыру және жаңғырту.

Қызметтің негізгі индикаторлары мен негізгі көрсеткіштерін орындау бойынша егжей-тегжейлі талдау ұсынылды. 2025 жылға университеттің даму перспективалары 2023-2029 жылдарға арналған даму бағдарламасы аясында анықталды.

Директорлар кеңесі жұмысының нәтижелілігі келесі қабылданған шешімдерде көрініс тапты: 
1.Басқарманың есебі "Қорқыт Ата атындағы Қызылорда университеті" КЕАҚ - ның 2023-2029 жылдарға арналған даму бағдарламасы шеңберінде 2024 жылғы нысаналы индикаторлар мен жүзеге асырылған жұмыстардың тиімділігін көрсетті.
Үш стратегиялық бағыт бойынша негізгі нысаналы индикаторлар мен нәтижелі көрсеткіштерді орындаудың қорытындысында QS (ТОП 1400+) және GreenMetric (1160 орын) әлемдік рейтингтеріндегі жоғары оқу орнының позициясында, Қазақстан Республикасының үздік жоғары оқу орындарының ондығына кіруде (АРТА жүргізетін ұлттық рейтинг қорытындылары бойынша 7-орын), контингенттің сапалық құрамының өсуінде, яғни мемлекеттік білім беру гранты-5000 астам білім алушы, шетелдік жоғары оқу орындарымен ынтымақтастықты кеңейтуде жоғары нәтижеге қол жеткізді.
Ғылыми бағыт бойынша 33 ғылыми-зерттеу жобасы шеңберінде жалпы сомасы 774,308 мың теңгеге табыс көлемі артып, университет ғалымдарының жарияланымдық белсенділігінің нәтижелілігін көрсетті. Нақтырақ айтсақ, Scopus-та111 мақала, Web of Science-те 56 мақала жарыққа шықты. 
Университет инфрақұрылымын цифрландыру және жаңғырту ЖОО-ның 2024 жылғы жалпы табысынан, оның ішінде эндаумент қоры шеңберінде дамытуға тартылған инвестициялар көлемінің ұлғаюын айғақтайды. Университеттің білім беру, ғылыми, басқару қызметі мен инфрақұрылымын цифрландыру жұмыстары басталды.
2.Қоғамның тұрақты дамуы саласындағы саясатты енгізу және іске асыру университетте маңызды стратегиялық бағыттар үшін қолданылатын ТДМ саясатын іске асыру тетіктері контекстіндегі даму сапасына әсер етті. Университеттегі ТДМ негізгі көрсеткіштері: білім беру бағдарламаларына орнықты даму қағидаттарын интеграциялау, ғылыми зерттеулерді қолдау (климаттың өзгеруі, таза энергия, орнықты ауыл шаруашылығы, көлденең және тік деңгейде басқару тиімділігін қамтамасыз ету, тиімді менеджментті іске асыру, әлеуметтік жобалар мен бастамаларды қолдау), бұл болашақта университеттің ТДМ даму бағдарламасы мен саясатын тиімді іске асыруды қамтамасыз етеді.
3. 2023-2025 жылдарға арналған тәуекелдерді болдырмау жөніндегі іс-шаралар жоспары негізінде 2024 жылға тәуекелдерге мониторинг жүргізілді. 
Сонымен қатар, 2025 жылға арналған тәуекелдер картасы ұсынылды. Қоғам университет қызметінің бес бағытында: білім беру, ғылым, қоғам, басқару, цифрландыру және инфрақұрылымда күрделілік деңгейлерін және олардың көріну ықтималдығын анықтау әдістемесін ескере отырып, тәуекелдер деңгейін төмендету бойынша уақытылы шаралар қабылдады.
4.Директорлар кеңесі корпоративтік басқару кодексіне және өзге де нормативтік-құқықтық актілерге енгізілген өзгерістер негізінде нормативтік құжаттарды жаңартуды ұсынды. 
5.Директорлар кеңесінің төрағасы Қоғамның тұрақты дамуын арттыру, тиімді және уақтылы шешімдер қабылдау мақсатында корпоративтік басқару қағидаттарын ұстанудың маңыздылығын атап өтті.
Университет өз алдына оқытушылар мен білім алушылардың жаңа және зерттеу құзыреттіліктерін дамытуға, студенттердің академиялық және ғылыми үдерістегі рөлін күшейтуге, сапа мәдениеті мен академиялық адалдықтың тұрақты дамуын қамтамасыз етуге, бизнес – үдерістердің тиімділігі мен цифрландырылуын арттыруға бағытталған жаңа міндеттер қойды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru