• 17 қаңтар 2025
• 68

«Develop to Shine» жобасы оң нәтиже беруде

Қорқыт ата атындағы Қызылорда университетінің Психологиялық қолдау орталығында “Қызметкерлердің эмоционалды күйіп жанудың профилактикасы” тақырыбында оқу орны қызметкерлеріне арналған тренинг өтті.

“Психологиялық тренингке 8-15 қаңтар аралығында университеттің профессор-оқытушылар құрамы мен қызметкерлері  қатысты. Мұндай іс-шаралар адамның жеке және кәсіби дамуына айтарлықтай әсер етеді. Олар адамның әлеуетін ашып, қоғамдағы өз орнын табуға, жеке тұлғалық өсуге және кәсіби жетістіктерге жетуге ықпал етеді. Алдағы уақытта жыл сайын дәстүрлі түрде өткізу жоспарлануда”,-деді Психологиялық қолдау орталығының жетекшісі Құралай Иманалиева.

Психологиялық тренинг — адамның жеке тұлғалық дамуын, эмоционалды интеллектін және қарым-қатынас дағдыларын жетілдіруге бағытталған іс-шара. Мұндай тренингтер адамның өз-өзімен жұмыс істеуіне, ішкі ресурстарын ашуға және өмірдегі қиындықтармен тиімді күресуге көмектеседі.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru