• 18 қараша 2024
• 146

Сыбайлас жемқорлыққа қарсы мәдениет: құндылықтар мен этикалық қағидаттар

Облыс әкімдігінде Сыбайлас жемқорлыққа қарсы қызметінің 10 жылдық мерейтойына арналған республикалық ғылыми-практикалық конференциясы өтті.

Жиынның модераторы Қорыт ата атындағы Қызылорда университетінің комплаенс офицері Алибек Жаппасбаев сөз сөйлеп, шараның маңыздылығына тоқталды.

Кездесуде қоғамның әртүрлі орталарындағы сыбайлас жемқорлықтың алдын – алу, профилактикалық жұмыстарын насихаттау, сыбайлас жемқорлыққа қарсы күрес туралы заңдарды негізге ала отырып, құқықтық мағлұмат беру, адал қызмет етуге, Ата заңды құрметтеуге, адамгершілікке тәрбиелеу мәселелері талқыланды.

Басқосуда ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысы Қуаныш Ахметқалиев, облыс әкімінің бірінші орынбасары Данияр Жаналинов,  Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының бірінші орынбасары Асылхан Ашиков, Қызылорда облысы аумақтық кәсіподақтар бірлестігінің Төрағасы Мақсұт Нәлібаев, Х.Досмұхамедов атындағы Атырау  университетінің  профессоры Жанна Шаяхметова, Жетісу университетінің профессоры Болат Айтимов, сыбайлас жемқорлыққа қарсы іс-қимыл агенттігінің ардагері Бақытжан Ниязов баяндама оқыды.

Алдағы жылдары агенттік алдында сыбайлас жемқорлықпен күресті жаңа деңгейге көтеру, қоғамда құқықтық сана мен мәдениетті қалыптастыру міндеті тұр.