• 12 қараша 2024
• 148

«Алтын Күз – 2024» байқау өтті

Қорқыт ата атындағы Қызылорда университетінде Халықаралық студенттер күніне орай «Алтын Күз – 2024» байқауы ерекше тартыспен өтті. Жарыс төрт кезеңнен тұрды: «Таныстыру», «Өнерің өрге жүзсін» өнер байқауы, «Күз тартуы» және «Бейнероликтер» сайысы.

Бас жүлде №5 жатақхананың студенттері Еркебұлан Амангелдиев пен Назар Әбдіғали үздік шығып, бас жүлдені иеленді. Олар «Ең үздік Love story» номинациясын да жеңіп алды. Жеңімпаздарға «Университет аруы – 2025» байқауына жолдама, сондай-ақ ноутбук сыйлыққа берілді. 1 – орын Мейірман Құрмантай мен Айым Мырзаханқызы, 2 – орын Зауре Зейлбек пен Нартай Ермантаев, Ал 3 – орын Нұрбол Усипханов пен Арайлым Смағұлова лайық деп танылды. Ердан Ортай мен Інжу Хамитбекова көрермендердің ықыласына бөленіп, «Көрермен көзайымы» номинациясын иеленді. 

Бұл байқау студенттердің бір-біріне деген қолдауын нығайтып, шығармашылық әлеуетін дамытуға зор мүмкіндік берді. Байқаудың нәтижелері жатақханалар арасындағы достық қарым-қатынасты арттырып, университет өмірінің жарқын сәттерін көрсетті.