• 16 қазан 2024
• 332

Руслан Емелбаев «Іңкәр 7» жатақханасымен танысты

ҚР Ғылым және жоғары білім министрінің кеңесшісі Руслан Емелбаев Қызылорда облысына жұмыс сапары барысында жаңа оқу жылында пайдалануға берілген «Іңкәр 7» жатақханасына барып, студенттердің жағдайымен танысты. Кездесу барысында республика бойынша студенттердің жатақханамен қамтылуы басты назарда екенін, өңірлерде бұл мәселе шешімін тапқанын атап өтті.

«Іңкәр 7» жатақханасында 180 орын бөлінген, қазіргі уақытта 177 білім алушы орналасқан. 

Жалпы университет балансында екі студенттік жатақхана және әріптестік негізінде келісімшарт арқылы «Қаржы орталығы» АҚ қаржыландырылатын «Өркениет», «ДиЛМАШ», «Іңкәр 7» ЖШС-ның жатақханасы пайдалануға берілген. Бүгінде барлығы 1416 орындық бес студенттік жатақханаға 1208 білім алушы орналасқан.

Жатақханадағы жастардың білім алуына, бос уақытын тиімді өткізуіне барынша жағдай жасалған. Бөлмелер 2 және 4 адамға арналып, қажетті жиһаздармен қамтылған. Ғимаратта семинар-тренинг өткізуге арналған кабинеттер, кітапхана және компьютерлік сыныптар, асхана, теннис залы бар.