• 02 қазан 2024
• 321

Университетте халықаралық қатынас қарқынды дамуда

Жыл сайын оқу орнына келетін шетелдік ғалымдардың саны артып келеді. Биылғы оқу жылында Басқарма Төрағасы-ректор Бейбіткүл Кәрімованың кезекті шетелдік ғалымдармен кездесуі өтті. 
“Біз барлық бағыт бойынша нақты қадамдар жасап, жүйелі жоспарды жолға қойдық. Соның ішінде халықаралық байланыстардың барынша нығаюына тың серпін бердік. Нәтижесі жаман емес. Халықаралық байланысты жаңа деңгейге шығару үшін университеттің орасан зор әлеуеті бар. Университет шетелдік әріптестермен ынтымақтастықты кеңейтіп, тұрақты байланысты сақтауға мүдделі”,-деді Бейбіткүл Сәрсемханқызы.
Елена Волхер ханым – университетімізге Senior Expert Service неміс ұйымының сарапшылар алмасу бағдарламасы аясында келді. Қазіргі таңда университеттің шетел тілдері және аударма кафедрасының оқытушыларымен бірлесе жұмыс істеуде.
Метин Ердоған  – Түркия мен Қазақстан үкіметтері арасындағы білім саласындағы екіжақты келісім аясында келген түрік тілінің волонтеры. 
Эмиль Баутиста-Беккен мырза – АҚШ-тың Қазақстандағы елшілігі үкіметаралық келісімдер негізінде ағылшын тілін оқытуға жіберілген Фулбрайт волонтеры.
Андрей Любчик – химия ғылымдарының докторы, Лусофон университетінің профессоры (Португалия) шетелдік ғалымдарды тарту бағдарламасы аясында. 
Сергиус Любчик – химия ғылымдарының докторы, Лусофон университетінің профессоры (Португалия) шетелдік ғалымдарды тарту бағдарламасы аясында.
Сонымен қатар, жиынға Change мектебін дамыту жөніндегі директоры Нил Маршалл мен Change мектебінің өкілі Нарине Гишаян қатысты.

 Халықаралық байланыстардың кеңдігі оқу орнының жоғары кәсіби деңгейін мойындаудың маңызды көрсеткіштерінің бірі болып табылады. Алдағы уақытта шетелдік серіктестермен әртүрлі бағытта ғылыми-зерттеу, жобалау және білім беру қызметінде ынтымақтастықты жалғастыру жоспарлануда.