• 27 қыркүйек 2024
• 388

Қамқоршылық кеңестің алғашқы отырысы өтті

"Korkyt Ata Endowment" корпоративтік қорының жаңа құрамдағы Қамқоршылық кеңесінің алғашқы отырысы өтті. Кездесу барысында кеңес мүшелерімен танысу және қордың негізгі міндеттерін талқылау жұмыстары жүргізілді.

Кеңес құрамында:
Нұрлан  Уразбаев — университеттің экономика және қаржы департаментінің директоры, экономикалық ғылымдар кандидаты, кеңес төрағасы; 
Айдос Жетпісбай — «Freedom Finance Kazakhstan» АҚ-ның Қызылорда филиалының директоры; 
Елена Когай — Қазақстан корейлері Ассоциациясының "Нетворкинг" өңірлік координаторы, «Когай Елена» ЖК директоры; 
Дәурен  Сейітжанов — Қызылорда облысының Кәсіпкерлер палатасы экономикалық мәселелер жөніндегі орынбасары; 
Бағила Баекеева — «Ханшайым» ЖК директоры.  

Қамқоршылық кеңесінің міндеттеріне даму стратегияларын әзірлеу, қаржылық тұрақтылықты бақылау, жобаларды бекіту, серіктестіктерді орнату, қордың жұмысын ашық жүргізу және шешімдердің орындалуын бақылау, қордың беделін арттыру кіреді.

Сонымен қатар, қор директоры Маржан Базарханова қордың қазіргі жұмысын баяндамалап, кеңес мүшелерімен болашақ жоспарларын талқылады. Негізгі назар білім беру және ғылыми жобаларды тұрақты қаржыландыру мәселелеріне, сондай-ақ қордың қызметін кеңейтуге аударылды. Талқылау барысында жаңа донорларды тарту, инновациялық бағдарламаларды әзірлеу және жетекші білім беру және бизнес құрылымдарымен серіктестік байланыстарын нығайту перспективалары да қарастырылды. Бұл қордың әрі қарай өсуі мен стратегиялық мақсаттарын жүзеге асыруына мүмкіндік береді.

Айта кетейік, Эндаумент қорының негізгі миссиясы — университеттің дамуына және бәсекеге қабілеттілігін арттыруға ықпал ететін білім беру, ғылыми және инновациялық жобаларды қолдауға тұрақты қаржыландыруды қамтамасыз ету.