• 14 қыркүйек 2024
• 274

Жатақхана студенттеріне АЭС бойынша алдағы референдумның маңыздылығы түсіндірілді

Қорқыт ата атындағы Қызылорда университетінің "ДИЛМАШ" жатақханасында студенттердің қатысуымен кездесу өтті.

Кездесуге облыстық ақпараттық насихат тобының мүшелері, оқу орнының комплаенс-офицері Әлібек Жаппасбаев пен кәсіпкерлік орталығының жетекшісі Жанарыс Түбекбаев қатысты. Спикерлер қатысушыларға референдумның маңызды демократиялық құрал екендігін айтты. Сондай-ақ, жастарды ел болашағына әсер ететін маңызды мәселелерде өз пікірін білдіруде белсенді болуға шақырды.

Айта кетейік, АЭС салу әлемдік тәжірибе  және басқа елдерде энергетикалық қауіпсіздікті қамтамасыз ету үшін кеңінен қолданылып жүр. Қазіргі таңда елімізде АЭС салу мәселесі халық арасында кеңінен талқылануда. Мемлекет басшысы Жолдауда 6 қазан күні Республикалық референдум өтеді деп хабарлаған болатын.