• 03 қыркүйек 2024
• 601

Қорқыт ата атындағы Қызылорда университеті ұжымы Президент жолдауын талқылады

Қорқыт ата атындағы Қызылорда университетінде Қазақстан Республикасының Президенті Қасым-Жомарт Тоқаевтың Қазақстан халқына Жолдауын талқылауға арналған дөңгелек үстел өтті. Жиында Басқарма Төрағасы-ректор Бейбіткүл Сәрсемханқызы сөз бастап, Жолдаудың негізгі басымдықтарына тоқталды.

«Жолдауда ұлттың жаңа сапасын қалыптастыруға бағытталған: білімді интенационалдандыру, әлемдік озық біліммен ықпалдастықты күшейту, ғылымның ел дамуындағы  үлесін арттыру, салалық мамандар тапшылығын жою, жасанды интеллектіні дамыту және жаппай цифрландыру, жаңа мектептер салу сияқты басымдықтарға ерекше назар аударылды. Мұның бәрі ел халықты, төл мемлекетті аман-есен сақтап, бәсекеге қабілеттілігін арттыруға бағытталып отыр»,- деді Бейбіткүл Кәрімова.

Кездесу барысында Президент Жолдауында бұрын қабылданып, бүгінде жүзеге асырылып жатқан жұмыстардың нәтижесі айтылды. «Инжинирингтік технологиялар» білім беру бағдарламасының профессоры, химия ғылымдарының кандидаты Нұрбол Аппазов «Қазақстанның энергетикалық қажеттіліктері: АЭС-тің өзектілігі» тақырыбында баяндама жасап, ғылыми тұрғыдан пікірін білдірді. Бұдан бөлек, басқосуда сөз сөйлегендер білім беру мәселелері, жастар және жастарға патриоттық тәрбие беру ісі туралы мәселелерді қозғады.

Жолдау - маңызды мәселелерді шешуде бағдар беретін бағдарлама. Университет басшысы ұжымды Жолдауды іске асыруда белсенділік танытуға шақырып, ұсыныс-пікірлерін тыңдады.