• 15 сәуір 2024
• 654

Қорқыт жастары «Таза Қазақстан» экологиялық акциясын қолдауда

Республикалық акциясы аясында Сыр өңірінде экологиялық науқан жалғасуда.

Акцияның негізгі мақсаты – қоршаған ортаға және ортақ игіліктердің барлығына ұқыпты қарау туралы түсінік қалыптастыру, азаматтық жауапкершілікті арттырып, қоғамда экологиялық мәдениетті нығайту.

«Таза өлке» апталығы аясында Қорқыт ата атындағы Қызылорда университетінің белсенді жастары «Жастар аллеясында» тал егу шараларына қатысты.

«Тал егу – игі дәстүр» шарасында 100 түп сыр талы егілуімен қатар, келген жастарға спорттық сайыстар ұйымдастырылып, арт шеберлік сағатында да белсенділік танытты.