• 01 сәуір 2024
• 806

Сала мамандары студенттермен кездесті

Сыбайлас жемқорлыққа қарсы мәдениетті қалыптастыру мақсатында Қорқыт ата атындағы Қызылорда университетінің оқытушылары мен студенттеріне «Жарқын болашақ кепілі – сыбайлас жемқорлықсыз қоғам» тақырыбында ТЕDX форматында кездесу өткізілді.

Кездесуге философ Бақтияр Оспанов, ҚР Сыбайлас жемқорлыққа қарсы іс-қимыл агенттігінің Қызылорда облысы бойынша Департаментінің бас маманы Жанар Қозбағарова мен университеттің сыбайлас жемқорлыққа қарсы компленас-офицері Әлібек Жаппасбаев қатысты.

Кездесу барысында Б.Оспанов еңбек жолы мен өмір жолына қатысты сұрақтарға жауап беріп, өзінің көп жылдық жұмыс тәжірибеcімен бөлісті.  

Сонымен қатар, ол жастарды сыбайлас жемқорлыққа қарсы мүлдем төзбеушілікке баулу, оларға парасаттылық құндылықтарын дәріптеу үшін мүмкін болатын барлық алаңдарда жастармен жемқорлық мәселесін талқылауды тұрақты түрде өткізу туралы ойын жеткізді.

Шара соңында студенттердің сұрақтарына жауап беріп, қоғамда сыбайлас жемқорлыққа қарсы мәдениет пен парасаттылықты қалыптастыруға бағытталған әлеуметтік бейнероликтер көрсетілді.