• 27 наурыз 2024
• 899

«АКТИВ GROUP» ЖШС-мен келісімге келді

Қорқыт ата атындағы Қызылорда университетінің базасында Қазақстан технологияларды коммерцияландыру орталығының бас директоры Құрманғазы Омаровтың қатысуымен ғылым мен бизнесті ықпалдастыру аясында ғалымдарға арналған онлайн-питч өтті. Әлеуетті бизнес-әріптесті тарту, жобаларды іске асыруда сүйемелдеу және т.б. мәселелер қаралды.

– Қазақстанда ғылымды коммерцияландыру процесі белсенді дамып келеді және Мемлекет басшысы мен Үкіметтен қолдау алады. Алайда, басқа елдердегідей, бұл үдеріс табысқа жету үшін уақыт пен ресурстарды талап етеді. Орта мерзiмдi перспективада ғылымға инвестициялар бүкiл қазақстандық қоғам үшiн экономикалық пайда әкеледi, – деді Қ.Омаров өз сөзінде.

Ғалымдардың онлайн-кездесуі барысында Қорқыт Ата атындағы Қызылорда университеті КЕАҚ мен директор Анар Тумашинова арасында «Пантакрион мен баурайдағы өсімдіктердің емдік қасиеттерін анықтау» бойынша 1 500 000 тг сомасына шаруашылық (технологияларды коммерцияландыру жобасы) жасау туралы келісімге келді.