• 19 наурыз 2024
• 1188

«Күміс университет» сіздерді күтеді

Толығырақ тарқатайық, Қорқыт ата атындағы Қызылорда университеті екі жыл қатарынан «Күміс университет» жобасы жүзеге асыруда. Бұл қандай жоба? Оған кімдер қатысады? Жобаның берері не? Осы және өзгеде сұрақтарыңызға төмендегі жауапты ұсынамыз.

«Күміс университет» - егде жастағы адамдардың қазіргі өмірге, өзін-өзі дамытуға және қызығушылық білдірген бағытына бейімделуі үшін қолайлы жағдай жасайтын халықаралық қозғалыс болып табылады. Жоба өмір бойы білім алу қағидасын ұстанып, 50 жастан асқан азаматтардың жаңа білім мен дағдыларды үйренуіне жол ашады.

«Күміс университет» қызметінің мақсаты – аға буынның әлеуметтік белсенділігін арттыру. Жоба аясында IT технологияны меңгеру дағдыларын жақсарту, кәсіпкерлік, қаржылық сауаттылықты арттыру, тілдік курстар, шет тілін үйрену және білімін тереңдету, ән айту шеберлігін дамыту. «Жасым келді. Бізге не қажеті бар» демеңіз. Белсенді өмір сүріңіз. «Күміс университетіне» келіңіз!

«Күміс университеттінің» курстарынан өту үшін қажетті құжаттар тізімі:
1) Басқарма Төрағасы – Ректордың  атына өтініш;
2) Жеке куәлігі (көшірмесі)

Біздің мекен-жайымыз: Қызылорда қаласы, Әйтеке Би көшесі 29А.
Байланыс телефондары: 8 705 259 0537, 8 777 878 4688