• 09 ақпан 2024
• 1349

Ұшқыш болғым келеді...

Рекрутинг және мансап басқармасының ұйымдастыруымен Қорқыт ата атындағы Қызылорда университетінің бітіруші түлектеріне Ab-initio ұшқыштарды даярлау бағдарламаны насихаттау аясында «Air Astana» әуекомпаниясының ұшқышы Жандос Құспан және HR өкілі Феруза Махаметова кәсіптік бағдар беру жұмыстарын жүргізді. Кездесу барысында әуекомпания рекрутмент бөлімінің мамандары әлемдегі ең танымал және беделді мамандықтарының бірімен таныстырып, мүмкіндіктерін айтты.

–  Ұшқыштың міндеті ұшақты бір елден екінші елге аман-есен жеткізіп, қондыру. Борттағы жолаушылардың қауіпсіздігі де біздің мойнымызда. Экипаждың басты әрі негізгі міндеті – қауіпсіздікті қамтамасыз ету. «Бес саусақ бірдей емес» қой, неше түрлі адам кездеседі. Соның бәрін назарда ұстау қажет. Ал бортсеріктер болады-ау деген барлық жағдайды алдын ала дайындайды. Керек десеңіз, жүкті әйелді босандыруға дейін үйретеді, – деді маман иесі.

Кездесу соңында түлектер өздерін қызықтырған сауалдарды қойып, ұшқыш болуды армандайтын әрбір адамдар үшін керекті кеңестер айтылды.