• 29 қаңтар 2024
• 1056

«Жұлдызды қалашықпен» әріптестік байланыс нығаяды

Қорқыт ата атындағы Қызылорда университетінің Басқарма мүшесі – Ғылыми жұмыстар және халықаралық байланыстар жөніндегі проректор Майнура Бөрібаева Байқоңыр қаласы басшысының кеңесшісі Сергей Волков және Байқоңыр қаласы білім басқармасы басшысының орынбасары Георгий Глазуновпен кездесті. Аталған кездесудің негізгі мақсаты екі ел арасындағы жоғарғы оқу орындарында әріптестік байланыстар орнатып, кадр даярлау мәселесін жан жақты пысықтау төңірегінде болды. Ректор міндетін атқарушы Майнура Әбілтайқызы білім ордасының жұмысымен таныстырып, алдағы мақсаттарды баяндады.

Өз кезегінде, Байқоңыр қаласы басшысының кеңесшісі Сергей Андреевич алдағы уақытта кадр даярлауда университетпен бірлесіп жұмыс жасауға ниет білдірді.

Сонымен қатар Басқарма мүшесі – стратегиялық даму және қаржы жөніндегі проректор Нұрлан Уразбаев қонақтарды тарихи мұражаймен таныстырып, естелік сыйлықтар алмасты.