«Абырой» мектебі

Жастар – еліміздің басты стратегиялық ресурсы. Сондықтан мемлекеттік қызметте жастардың білікті маман болып қалыптасуына үлкен мән берілуде.

Қазіргі цифрлық дәуірде мемлекеттік органдар тың көзқарастарға, креативті идеяларға, жоғары нәтижелі жұмысқа қызығушылық танытып, тиісінше, елдің қоғамдық-саяси даму үдерісіне бастамашыл жастарды тартуға бағытталған.

Жастарды мемлекеттік қызметке тарту – мемлекеттік ұйымдардың көптеген мәселелерін шешуге мүмкіндік беретін маңызды міндеттердің бірі. Кадрлық құрамды жасарту, мемлекеттік басқару жүйесіне соңғы тәсілдерді енгізу, кәсіби қызметке тың көзқарас, өзгерістерге жоғары мотивация – бұл жастарды жұмысқа қабылдау арқылы ашылатын мүмкіндіктер.

Бүгінгі таңда ел болашағын жарқын етуге дайын, талантты жастарды мемлекеттік қызметке тарту мақсатында ҚР Мемлекеттік қызмет істері агенттігінің Қызылорда облысы бойынша департаменті мен Қорқыт ата атындағы Қызылорда университеті «Мемлекеттік қызмет мектебін» құру үшін 2020 жылдың 11 қарашасында Меморандумға қол қойылған болатын. Осы Меморандум барысында университет шеңберінде «Абырой» мемлекеттік қызмет мектебі құрылды және бас ғимараттан қажетті құрал – жабдықтармен қамтамасыз етілген арнайы аудитория ашылды. Мемлекеттік қызмет басқармасының басшысы Шынтасов Жасұлан Қанибайұлы мектепке жетекшілік етеді.

«Абырой» мемлекеттік қызмет мектебі аясында Қорқыт ата атындағы Қызылорда университетінің 4 курстары арасында түсіндірме жұмыстары жүргізіліп, мемлекеттік қызметші мектебінің атауы мен эмблемасы таңдалып, бекітілді.

Қазіргі таңда "Абырой" жас мемлекеттік қызметшілер мектебі түлектер саны - 75, білім алып жатырған студенттер саны - 26.

«Мемлекеттік қызмет мектебі» жобасы – жас мемлекеттік қызметшілерді интерактивті пікірталастар мен тренингтерден өту арқылы мемлекеттік қызметті таныстыру мен баулуға бағытталған жоба.