• 14 желтоқсан 2022
• 1902

Қорқыт Ата атындағы Қызылорда университеті бағдарламалық қамтамасыз ету және қашықтықтан білім беру технологиялары басқармасының басшысы орынбасарының бос қызмет орнына орналасуға конкурс жариялайды

Конкурсқа қатысу үшін келесі құжаттарды тапсыру қажет:

1) конкурсқа қатысу үшін өтініш;

2) конкурсқа қатысушының жеке басын растайтын құжаттың көшірмесі;

3) конкурсқа қатысушының 3х4 түрлі түсті сүреті бар қызметтік тізбесі;

4) білім туралы құжат көшірмесімен бірге, салыстыру үшін түпнұсқасы беріледі;

5) жұмыс орны бойынша (қазыргі немесе бұрыңғы) кадр қызметімен куәландырылған еңбек қызметін растайтын құжаттың көшірмесі;

6) ғылыми жұмыстар мен өнертабыстардың тізімі (болған жағдайда);

7) № 075/у нысанындағы медициналық анықтама (дәрігерлік кәсіби-консультациялық қорытынды), Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығы (Қазақстан Республикасы Әділет министрлігінде 2020 жылы 4 қарашада № 21579 тіркелген);

8) Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің есептері бойынша тұлғаның қылмыстық құқық бұзушылық жасауы туралы мәліметтердің болуы не болмауы туралы анықтама.

Жоғарыда көрсетілген тiзбеге сәйкес құжаттар топтамасын толық ұсынбау өтінішті қабылдаудан ерікті нысанда бас тартуға негіз болып табылады.
Конкурсқа қатысушы біліміне, кәсіби деңгейіне қатысты қосымша ақпарат, сондай-ақ жұмыс тәжірибесін және біліктілігін растайтын құжаттар бере алады.

Білуі тиіс: тиісті білім салаларының ғылыми және практикалық мәселелері, ғылымды дамытудың негізгі бағыттары; оқу процесі мен ғылыми-зерттеу қызметіне қатысты заңдар, қаулылар, бұйрықтар, өкімдер, стандарттар және басқа да нормативтік және әдістемелік құжаттар; білім беру процесін жүргізудегі ұйымдардың озық тәжірибесі; бөлімде жұмысты ұйымдастыру мен жоспарлаудың белгіленген тәртібі; шарттар жасасу және орындау тәртібі; еңбек заңнамасының негіздері; еңбекті ғылыми ұйымдастыру негіздері; оқу және ғылыми құжаттаманы жасау, ресімдеу және жүргізу тәртібі; басқарма бағдарламашылары мен мамандарының біліктілігін бағалауды жүргізу тәртібі; еңбекті қорғау, қауіпсіздік техникасы, өндірістік санитария және өртке қарсы қорғау қағидалары мен нормалары; басқарманың ғылыми-зерттеу және әдістемелік жұмысын ұйымдастыру.

 Біліктілік талаптары: Сәйкес мамандық бойынша жоғары (немесе жоо кейінгі) білімі, веб-тораптарды жасау және қызмет көрсету бойынша кемінде 5 жыл жұмыс өтілі болуы.

Құжаттарды қабылдау мерзімі: 23.12.2022 ж. сағат 17:00-ге дейін. Байқаудың өтетін күні мен орны кейінірек хабарланады.

Құжаттар мына мекен-жайда қабылданады:

120014, Қызылорда қаласы, Әйтеке би көшесі 29А, бас әкімшілік ғимарат, адами ресурстарды басқару басқармасы, 205 каб.; e-mail: otdelkadrov_kgu@mail.ru.