Білікті профессор 70 жаста

ksu@korkyt.kz +7242 26-27-14, Қабылдау комиссиясы +7242 23-53-92

04 сәуір 2025
81

Білікті профессор 70 жаста

Қорқыт ата атындағы Қызылорда университетінде философия ғылымдарының докторы, профессор Баймырза Қожамберлиевтің 70 жылдық мерейтойына арналған халықаралық ғылыми-тәжірбиелік конференция өтті.

Шарада университеттің Ғылыми жұмыстар және халықаралық байланыстар жөніндегі проректор Майнұр Бөрібаева профессордың білім саласының дамуына қосқан үлесін ерекше атап өтті.

Конференцияда философия ғылымдарының докторы, профессор, әл-Фараби атындағы Қазақ ұлттық университеті «Қазақ философиясы» Ғылым және білім орталығының директоры Гүлжихан Нұрышева, ҚР ҒЖБМ ҒК философия, саясаттану және дінтану институты философия орталығының директоры Серік Нұрмұратов, Абылай хан атындағы Қазақ халықаралық қатынастар және әлем тілдері университетінің профессоры, философия ғылымдарының докторы Дәулетбек Раев, «Қазақ әлемі» республикалық қоғамдық бірлестігінің вице президенті Бәкірұлы Әбдірашит, әл-Фараби атындағы Қазақ ұлттық университеті философия кафедрасының доценті, философия ғылымдарының кандидаты Лесхан Асқар, әл-Фараби атындағы Қазақ ұлттық университеті философия кафедрасының профессоры Ғазиз Телебаев, М. Әуезов атындағы Оңтүстік Қазақстан университетінің доценті, философия ғылымдарының кандидаты Гулзипа Есиркепова, Қорқыт ата атындағы Қызылорда университеті философия және әлеуметтік-гуманитарлық пәндер секциясының аға оқытушысы Болат Апенов баяндама жасады.

Жиынға университет ұжымы, мерейтой иесінің әріптестері, құрметті қонақтар мен студенттер қатысты.

Баймырза Қожамберлиев 1997 жылдан бастап университеттің «Философия және экономикалық теория» кафедрасына доцент ретінде шақырылды. Ғылыми-педагогикалық қызметінде белсенділік танытып, 1998-2008 жылдар аралығында «Философия және мәдениеттану» кафедрасының меңгерушісі қызметін атқарды. 2008-2012 жылдары «Тарих және қазақ филологиясы» факультетінің деканы қызметінде жоғары білім беру саласына жаңашылдықтар енгізіп, білім сапасын арттыруға атсалысты. 2020 жылдан бастап Қорқыт ата атындағы Қызылорда университетінің «Философия және әлеуметтік-гуманитарлық пәндер» кафедрасының профессоры ретінде еңбек етіп келеді. Оның ғылыми ізденістері мен оқыту әдістері философия саласының дамуына айтарлықтай үлес қосып, көптеген студенттер мен жас ғалымдардың кәсіби қалыптасуына ықпал етті. Профессор тек білім беріп қана қоймай, шәкірттеріне ой еркіндігін, сыни көзқарасты, ғылыми ізденісті де үйретіп келеді.

Айта кетсек, ғалымның 5 кітабы, 200-ден астам ғылыми әдістемелік мақалалары бар.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: media_korkyt@mail.ru

Білікті профессор 70 жаста

Қолжетімді қызметтер

PLATONUS

E-univer

Call center

МООK

МегаПРО электронды кітапхана

Erasmus

Сабақ кестесі

Ғылыми кітапхана

Мәзір

Институттар

Байланыс