• 23 тамыз 2024
• 624

Қорқыт Ата атындағы Қызылорда университеті біліктілікті арттыру және қосымша білім беру орталығының жетекшісі лауазымына орналасуға конкурс жариялайды

Конкурсқа қатысу үшін келесі құжаттарды тапсыру қажет:
1) конкурсқа қатысу үшін өтініш; 
2) конкурсқа қатысушының жеке басын растайтын құжаттың көшірмесі;
3) конкурсқа қатысушының 3х4 түрлі түсті сүреті бар қызметтік тізбесі;
4) білім туралы құжат көшірмесімен бірге, салыстыру үшін түпнұсқасы беріледі;
5) жұмыс орны бойынша (қазыргі немесе бұрыңғы) кадр қызметімен куәландырылған еңбек қызметін растайтын құжаттың көшірмесі; 
6) ғылыми жұмыстар мен өнертабыстардың тізімі (болған жағдайда);
7) № 075/у нысанындағы медициналық анықтама (дәрігерлік кәсіби-консультациялық қорытынды), Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығы (Қазақстан Республикасы Әділет министрлігінде 2020 жылы 4 қарашада № 21579 тіркелген);
8) Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің есептері бойынша тұлғаның қылмыстық құқық бұзушылық жасауы туралы мәліметтердің болуы не болмауы туралы анықтама.

Осы тармақта көзделген тiзбеге сәйкес құжаттар топтамасын толық ұсынбау өтінішті қабылдаудан ерікті нысанда бас тартуға негіз болып табылады.
Конкурсқа қатысушы біліміне, кәсіби деңгейіне қатысты қосымша ақпарат (ғылыми жарияланымдардың тізімі, алдыңғы жұмыс орнындағы басшылық берген ұсынымдар), сондай-ақ жұмыс тәжірибесін және біліктілігін растайтын құжаттар бере алады.

Біліктілікті арттыру және қосымша білім беру орталығының жетекшісі білуге міндетті: Қазақстан Республикасының заңнамалық, өзге де нормативтік құқықтық актілері және кадрларды даярлау және олардың біліктілігін арттыру жөніндегі әдістемелік материалдар, ұйымның құрылымы мен Штаттары, оның бейіні, мамандануы және оны дамыту перспективалары, ұйымның кадр саясаты мен стратегиясы, кадрларды даярлау, қайта даярлау және олардың біліктілігін арттыру жоспарларын,оқу жоспарлары мен бағдарламаларын және басқа да оқу-әдістемелік құжаттаманы жасау тәртібі, қызметкерлерді оқыту процесін ұйымдастыру, оқытудың прогрессивті нысандары, әдістері мен құралдары, шарттар жасасу тәртібі, даярлау және біліктілікті арттыру тиімділігін талдау әдістері, кәсіптік бағдарлау және кәсіптік іріктеу жөніндегі жұмысты ұйымдастыру, кадрларды даярлау және олардың біліктілігін арттыру жөніндегі есепке алу мен есептілікті жасау тәртібі, Әлеуметтану, Психология және еңбекті ұйымдастыру, экономика, өндіріс пен басқаруды ұйымдастыру негіздері, есептеу техникасы, коммуникациялар мен байланыс құралдары, оларды пайдалану қағидалары, еңбек заңнамасы, ішкі еңбек тәртібі, өндірістік санитария, өрт қауіпсіздігі талаптары.

Біліктілікке қойылатын талаптар: Тиісті мамандық бойынша жоғары (немесе жоғары оқу орнынан кейінгі) білім және кадрлар даярлау жөніндегі жұмыс өтілі кемінде 5 жыл.

Құжаттарды қабылдау мерзімі: 17:00 сағат 02.09.2024ж. Конкурстың өткізілетін күні мен орны қосымша хабарланады.

Құжаттар мына мекен-жайда қабылданады: 120014, Қызылорда қаласы, Әйтеке би көшесі 29А, бас әкімшілік ғимарат, Адами ресурстарды басқару басқармасы, 205 каб.; e-mail: otdelkadrov_kgu@mail.ru.