• 06 мамыр 2024
• 680

Мереке күндерінің маңыздылығына тоқталды

Қорқыт ата атындағы Қызылорда университетінде 7 мамыр – Отан қорғаушылар күні және 9 – мамыр Жеңіс күні мерекесіне орай  жиын өтті. Жиында Басқарма Төрағасы-Ректор Бейбіткүл Каримова ерлер қауымын мейрамдарымен құттықтап, лебізін жеткізді.

«Халқымызда «Ер – елінің қорғаны» деген дана сөз бар. Батыр да жаужүрек аталарымыз ел тарихындағы небір сындарлы кезең, қиын замандарда жанқиярлық ерлік көрсете жүріп, бүгінгі бейбітшілік заманның негізін қалыптастырды. Азаматтарымыздың майдандағы ерліктері мен тылдағы ерен еңбектерінің мәні мен маңызын жастардың зердесіне жеткізу, Отанымызды болашақ ұрпақ үшін сақтап қалған әкелеріміз бен аталарымызды еске алып, олардың өмір өнегесі мен ерлігін насихаттау – біздің азаматтық парызымыз», - деді Бейбіткүл Сәрсемханқызы. 

Ізгі тілекпен бірге өзінің қызметтік міндетінде нәтижелі жұмыс жүргізгені және университеттің стратегиялық дамуына үлес қосқаны үшін университеттің бірнеше қызметкерлерін марапаттады.  Еліміздің көптеген аймақтарында су тасқыны орын алуына орай, мерекелік концерттік іс-шаралар тоқтатылды.