• 07 наурыз 2024
• 1180

Сыйынар ем, ана деген тәңірге 

Бүгін Қорқыт ата атындағы Қызылорда университетінің студенттер сарайында халықаралық әйелдер күніне арналған «Сыйынар ем, Ана деген тәңірге» атты мерекелік  кеш өтті.

Салтанатты жиынға университеттің ардагер-ұстаздары, оқытушылар, нәзік жанды арулар мен студенттер қатысты.
– Білім ордамызда 6-ғылым докторы, 9-PhD философия докторы, 20 ғылым кандидаты, 21 ғылым магистрының бәрі нәзік жандылар. Ауызбіршілігі ұйыған ұжымда әйелдер 70%-ды құрайды. Бұл қасиетті қара шаңырақтың қалыптасуы мен даму жолында әйелдердің табанды еңбектері бар деген сөз.
Университетімізде ғылыми жобаларды орындап жүрген 88 әйел-ғалымы бар. Орындалып жатқан 27 ғылыми жобаның ішінде 7 әйел – жоба жетекшілері екен (Каримова Б.С., Сауытбаева Г.З., Оралова Г.С., Камишева Г.А., Мустафаева А.А., Аубакирова К.К. – 2жоба, Абдрашева Д.М.). Бұл 30 пайызды құрайды. Ғылыми жобалардағы 40 жасқа дейінгі әйел ғалымдар үлесі – 44 адам (яғни 50% пайызды құрайды).
Қазақстанның ғылымы мен жоғары біліміне әйелдер зор үлес қосып келе жатыр. Мысалы, Тохетова Лаура Әнуарқызы – ауылшаруашылығы ғылымдарының докторы, профессор – Ұлттық ғылыми кеңестің мүшесі, 2024 жылы ғылыми стипендияның иегері атанды. 2022 жылы Тохетова Лаура мен бірге техника ғылымдарының кандидаты, профессор Смаилова Жұлдыз Жолдасқызы «ЖОО Үздік оқытушысы» атағына ие болды.

500 ғалым жобасы бойынша шетелге тағылымдамаға жолдама алған 25 оқытушыларымыздың арасында 15 әйел адамды құрайды. Университетте шығарылатын 8 ғылыми журналдың 4-інде Бас ғылыми редакторлар – әйелдер (Майгельдиева Ш.М., Каримова Б.С., Тохетова Л.А., Шильманова А.М.), оның ішінде министрліктік тізіміне кіретін журналымыздың ғылыми редакторы бар (Тохетова Л.А.). 6 ғылыми орталықтардың ішіндегі Т.Қуанышбаев атындағы ғылыми орталықтың  жетекшісі химия ғылымдарының кандидаты Абызбекова Гульмира Мынбаевна.  6 институт директорлары ішінде экономика және құқық институтының директоры болып Дузельбаева Гульшат Берікбаевна тағайындалды. 4 білім беру бағдарламарының ішінде 14 жетекші – әйелдерді құрайды.
Кәсіби білімі мен жемісті еңбегің елімізді өркендеуіне, жас ұрпақтың дамуына арнаған оқытушылар – біздің мақтанышымыз, – деді Бейбіткүл Сәрсемханқызы.

Мұнан соң қызметінде үздік нәтиже көрсеткен бір топ нәзік жандылар «Қорқыт ата атындағы Алтын медальмен», университет ректорының Құрмет Грамотасы және Алғыс хатымен, сонымен қатар «Amanat» партиясының алғыс хаттарымен  марапатталды. Мерекелік іс-шара соңы университет өнерпаздарының концерттік бағдарламасына ұласты.